အာကာသစီးပွားရေးနယ်ပယ်မှာ ခြေဆန့်တော့မယ့် Toyota

Toyota ကတော့ ဒေါ်လာ ၄၄ သန်း ရင်းနှီးမြုပ်နှံမှုနဲ့အတူ အာကာသစီးပွားရေးနယ်ပယ်ကို ခြေလှမ်းစလိုက်ပါပြီ။ နာမည်ကြီး ကားထုတ်လုပ်ရေးကုမ္ပဏီဖြစ်တဲ့ Toyota ရဲ့ လက်ခွဲ Woven by Toyota ဆိုတဲ့ ကုမ္ပဏီကနေ ဂျပန်အခြေစိုက် အာကာသကုမ္ပဏီ Interstellar Technologies မှာ ဒေါ်လာ ၄၄ သန်း (ဂျပန်ငွေ ယန်း ၇ ဘီလီယံဝန်းကျင်) ရင်းနှီးမြုပ်နှံသွားမှာပါ။ 

Interstellar ဟာ 2017 ကတည်းက ဂျပန်နိုင်ငံမှာ ဒုံးပျံလွှတ်တင်တဲ့ ပထမဆုံးပုဂ္ဂလိကကုမ္ပဏီဖြစ်ခဲ့တာပါ။ ဒါပေမဲ့လည်း ဒုံးပျံပစ်လွှတ်ခြင်းတော့ မအောင်မြင်ခဲ့ပါဘူး။ Toyota အနေနဲ့ 2020 ကတည်းက Interstellar နဲ့ ပူးပေါင်းမှုတွေ စတင်နေတာဖြစ်ပြီး ဒုံပျံအမြောက်အများထုတ်လုပ်နိုင်ရန် ကူညီထောက်ပံ့နေတယ်လို့ ဆိုပါတယ်။ ဆိုတော့ အခုတစ်ခေါက် ရင်းနှီးမြုပ်နှံမှုကတော့ အကြီးဆုံးဖြစ်ပြီး Toyota ဘက်ကလည်း လူသိရှင်ကြားကြေညာတာပဲဖြစ်ပါတယ်. 

“ ကျွန်တော်တို့လည်း ဒုံးပျံတွေကို စူးစမ်းလေ့လာနေပါတယ်။ ဘာကြောင့်လဲဆိုတော့ ရွေ့လျားသွားလာနိုင်မှုရဲ့ အနာဂတ်ဟာ ကမ္ဘာမြေကြီး ဒါမှမဟုတ် ကားကုမ္ပဏီတစ်ခုတည်းမှာသာ ကန့်သတ်မထားသင့်ပါဘူး" လို့ Toyota ရဲ့ ဥက္ကဌ Akio Toyoda က Las Vegas မှာကျင်းပခဲ့တဲ့ CES မိတ်ဆက်ပွဲမှာ ပြောကြားခဲ့တာပါ။