Siri မွှေတဲ့ပြဿနာကြောင့် ဒေါ်လာ ၉၅ သန်း ပေးဆောင်ရမယ့် Apple
Siri မွှေတာကို ပြောပေမဲ့ Siri က အမွှေခံရတာလို့ပြောရင် ပိုမှန်ပါလိမ့်မယ်။ ဖြစ်ပုံကတော့ Siri သုံးလို့ရတဲ့ Apple Product တွေကနေ တရားမဝင်အသံသွင်းတာတွေနဲ့ လျှို့ဝှက်မှတ်တမ်းယူတာတွေ လုပ်ဆောင်နေတယ်ဆိုတဲ့ အကြောင်းပြချက်နဲ့ တရားစွဲဆိုခြင်းခံရတာပါ။
ကယ်လီဖိုးနီးယား Oakland မှာရှိတဲ့ ဖက်ဒရယ်တရားရုံးမှာ iPhone အပါအဝင် အခြား Apple Product တွေမှာ user တွေရဲ့ စကားပြောဆိုမှုတွေကို မှတ်တမ်းတင်ဖို့ Siri ကနေတဆင့် ခိုးကြောင်ခိုးဝှက် မှတ်တမ်းယူခဲ့ပြီး ရောင်းချမှုတွေ ပြုလုပ်နေတယ်ဆိုတဲ့ စွပ်စွဲချက်ကို လျှောက်ထားခဲ့တာပါ။ ဒီတရားစွဲဆိုမှုက ၅ နှစ်ကြာနေပြီလို့တော့ ဆိုပါတယ်။
Apple ဘက်ကတော့ ဒီတရားစွဲဆိုမှုအတွက် ဒေါ်လာ ၉၅ သန်းပေးဆောင်ပြီး ကျေအေးရန် သဘောတူညီခဲ့ပါတယ်။ သဘောတူညီခဲ့တယ်ဆိုပေမဲ့လည်း Apple အနေနဲ့ Siri နဲ့ပတ်သက်ပြီး အပြစ်တစ်စုံတစ်ရာလုပ်ခဲ့ပါတယ်ဆိုတဲ့အချက်ကိုတော့ လက်ခံထားခြင်းမရှိခဲ့ပါဘူး။ (နားအေးပီးရော ရော့ ပိုက်ဆံ အာ့သဘောလားမသိ) ဖေဖော်ဝါရီ ၁၄ မှာတော့ နောက်ထပ်ရုံးချိန်းရှိမှာဖြစ်ပြီး တရားရုံးဘက်ကနေ စည်းမျဉ်းအချို့ထုတ်ပြန်ဖို့ရှိမှာပါ။
အကယ်၍သာ Apple ဘက်က Siri နဲ့ပတ်သက်ပြီး Privacy ချိုးဖောက်ပါတယ်ဆိုတဲ့ အချက်ကို လက်ခံဲလိုက်မယ်ဆိုရင်တော့ Apple user တွေအနေနဲ့ 2014 စက်တင်ဘာကစပြီး 2024 နှစ်ကုန်ပိုင်းအထိ သတ်မှတ်ထားတဲ့ အလျော်အစားတောင်းခံခွင့်ရှိမှာပါ။ Siri ပါဝင်တဲ့ Apple Product တိုင်းအတွက် user တစ်ဦးချင်းဆီမှာ အနည်းဆုံး ဒေါ်လာ 20 အထိ ရပိုင်ခွင့်ရှိမှာပါ။ ဒီ့ထက်လည်း များနိုင်ခြေရှိတယ်လို့လည်း ဆိုပါတယ်။
