အရသာ ထိထိမိမိ နှင့် စားရတာလည်း ‌ဈေးတန်တဲ့ ကြက်ကြော်ဆိုင် တစ်ဆိုင်

မင်မင် ဒီနေ့ပြောပြပေးမှာကတော့ Seoul Chicken ကြက်ကြော်ဆိုင်လေးဘဲဖြစ်ပါတယ်။ ဆိုင်ခွဲတွေကတော့ ကျောက်မြောင်း၊ စမ်းချောင်း နှင့် ဒဂုံ ဆိုင်ခွဲရယ်ဆိုပြီး 3 ဆိုင်ရှိတယ်။ မင်မင်က ကြက်ကြော်ဆိုသိပ်ကြိုက်တာမို့ ဒီဆိုင်လေးကိုသွားစားဖြစ်ခဲ့တယ်။ စားရတဲ့ အရသာရော၊ ပေးရတဲ့ ဈေးကရော တော်တော်လေးတန်ပြီးစားလို့ကောင်းတယ်လို့ပြောလို့ရတယ်။ မင်မင်Intro တွေအများကြီးမပြောတော့ဘူး မင်မင် မှာစားဖြစ်ခဲ့တာလေးတွေကို အသေးစိတ်အရသာလေးပြောပြမယ်။ မင်မင်မှာစားဖြစ်တာလေးကတော့...

Bone in 2 Pieces - 4800ks

Bone in လေးကတော့ ကြက်ကြော်၊ ရိုးရိုးကြက်ကြော်မဟုတ်ဘဲ Sauce လေးနဲ့မို့ Juicy ဖြစ်တယ်။ ကြက်ကြော်မှာသုံးပေးထားတဲ့ sauce က 4မျိုးရှိမယ်။ Honey Spicy, Korea Sauce, Mala Sauce နှင့် Gan Jang Sauce ဆိုပြီးရှိမယ်။ မင်မင်မှာလိုက်တာကတော့ Mala Sauce နဲ့။ စားရတာ Mala အရသာပေါ်တယ်။ ငရုတ်သီးအဖတ်လေးတွေနဲ့မို့ စပ်စပ်လေးနဲ့ အရသာရှိတယ်။ စားလိုက်တိုင်း Mala အရသာရနေတာလေးကိုသဘောကျတယ်။ ကြက်ကြော်ကကြွပ်တယ်၊ အသားလေးကနူးပြီးအိတယ်။ Korean အရသာမှီတယ်လို့ပြောလို့ရတယ်။

Shuu Shal Spicy Noodle - 5800ks

Shuu Shal Spicy Noodle မှာဆိုရင် ခေါက်ဆွဲအစပ်၊ Honey Spicy Fried Chicken၊ မုန်ညှင်း၊ kimchi၊ ရေညှိ နှင့် ကြက်ဥတို့ပါတယ်။ ခေါက်ဆွဲက Level အလိုက်တော့ရှိတာမျိုးမဟုတ်ဘူး ဒါပေမယ့် သူ့အရသာလေးက စပ်တာမို့ အစပ်ကြိုက်တဲ့သူတွေအတွက်လည်းအဆင်ပြေတယ်။ Honey Spicy Fried Chicken လေးကတော့ ခေါက်ဆွဲကအရမ်းစပ်နေရင် အချိုအနေနဲ့ ပြန်ဖြည်လို့ရတယ်။ သူလည်းBoneless မို့ ခေါက်ဆွဲစားနေရင်း ကြက်ကြော်စားရင် အရိုးဖယ်နေရတယ့် အခက်အခဲတွေတော့ရှိမှာမဟုတ်ဘူး တော်တော်လေးအဆင်ပြေတယ်။ အစပ်ဖြေဖို့အတွက် မုန်ညှင်းရယ်၊ အချဉ်လေးစားဖို့အတွက် Kimchi လေးရယ်ပါတာမို့ Shuu Shal Noodle တစ်ပွဲမှာတင် ချို၊ ချဉ်၊ စပ် အရသာသုံးမျိုးလုံးရတယ်။

Boneless (Medium Size) - 6400ks

Boneless မှာလည်း စောနပြောသလို Sauce 4မျိုးအပြင် Sprinkle နှင့် စားမယ်ဆိုလည်း Sprinkle 3မျိုးရှိတယ်။ Cheese Sprinkle, Magic Sprinkle နှင့် Chilli Sprinkle ဆိုပြီး 3မျိုးရှိတယ်။ မင်မင်ကတော့ Korean sauce နဲ့ဘဲ စားခဲ့တယ်။ Boneless ဆိုတယ့် အတိုင်းဘဲ ပေါင်သားကိုမှ အရိုးလုံးဝမပါဘူး။ အရိုးနုလေးတွေ၊ အကြော၊ အရွတ်လေးတွေကိုက်မိပေမယ့် အဲ့တာလေးတွေကိုက တထုတ်ထုတ်နဲ့စားလို့ကောင်းနေတယ်။ Boneless လေးက စစချင်းစားလိုက်ရင် မြေပဲအနံ့သင်းသင်းလေးရတယ်။ စားရတာချိုပြီး အရသာရှိတယ်။

Chicken Skin(Magic Sprinkle) - 2000ks

Chicken Skin လေူကတော့ မင်မင်အက်ြုကဆုံးမို့ နှစ်ပွဲတောင်စားခဲ့တယ်။ Chicken Skin မှာလည်း Sprinkle 3မျိုးရှိတယ်။ မင်မင်စားဖြစ်တာကတော့ Magic Sprinkle နဲ့။ Magic Sprinkle က ဒီဆိုင်မှာ လူကြိုက်အများဆုံးလို့ပြောလို့ရတယ်။ စားရတာ မွှေးမွှေးလေးနဲ့ အစပ်နည်းနည်းလေးဘဲပါတယ်။ ကြက်အရေခွံရဲ့ ကြွပ်တာလေးနဲ့ဆိုတော့ လုံးဝကို perfect ဘဲ။ Seoul Chicken ရောက်ရင် ဒီitem လေးရွေးဖို့ recommend ပေးချင်ပါတယ်။

Spicy Fried Chicken Sandwich- 4400ks

Sandwich မှာဆိုရင် ပေါင်မုန့်၊ ကြက်ပေါင်သား၊ ဂေါ်ဖီ၊ ငရုတ်သီး နှင့် ဆိုင်ရယ့် Signature sauce လေးပါမယ်။ စားရတာအိတယ်၊ အသားက ပေါင်သားကိုအပြားလိုက်ကြော်ထားတာမို့ စားလို့ကောင်းတယ်။ ချိုတဲ့အရသာလေးရော စပ်‌တဲ့အရသာလေးရော တစ်ပြိုင်တည်းခံစားရတယ်။ ငရုတ်သီးလေးတွေပါပေမယ့် အရမ်းမစပ်ဘဲ နည်းနည်းလေးရှိန်းတယ်။ 

Seoul Chicken Myanmar Nawaday St · No.24, 3 Nawaday St, Yangon 11191, Myanmar (Birma)

★★★★☆ · Snackbar

Seoul Chicken Myanmar Nawaday St · No.24, 3 Nawaday St, Yangon 11191, Myanmar (Birma)