Self Study လုပ်တဲ့အခါမှာ မဖြစ်မနေသိထားသင့်တဲ့ အချက် ၄ ချက်

ကိုယ်သင်ယူချင်တာကို အင်တာနက်ကနေ ဘာမဆို အလွယ်တကူ ကိုယ်တိုင် လေ့လာလို့ရနေတဲ့ ခေတ်ကြီးမှာ လူငယ်တွေဟာ ကိုယ်တတတ်မြောက်ချင်တဲ့ ပညာရပ်ကို ကိုယ်တိုင်ရှာဖွေ လေ့လာနေကြပါပြီ။ Covid လိုရောဂါကပ်ဆိုးကြီးကြောင့်လည်း Online Learning culture က ပိုတိုးတက်လာတယ်။ အင်တာနက်ကနေလည်း သင်ယူစရာဘာသာရပ်တွေ၊ သင်တန်းတွေ၊ Skills တွေ အများမှ အများကြီးပါပဲ။ Resources တွေကလည်းပေါပါတယ်။ တစ်ချို့ 100% FREE ရတယ်။ skillshare လို Linkedin လိုမှာဆိုရင် တစ်လကို ဘယ်လောက် သင်တန်းတစ်ခုကို ဘယ်လောက်ပေးရတယ်ဆိုပြီး ရှိပါတယ်။
ဒါပေမယ့် ကိုယ်ကိုတိုင် တစ်ယောက်ထဲ လေ့လာရတာဖြစ်လို့ အားပိုစိုက်ရသလို စည်းကမ်းရှိရှိ စနစ်ကျကျ လေ့လာမှပဲ ကိုယ်သင်ကြားတဲ့ဘာသာရပ်ကို သေချာသင်ကြားတတ်မြောက်နိုင်မှာဖြစ်ပါတယ်။

ပထမဆုံးအနေနဲ့ ကိုယ်ဘယ်ဘာသာကို သင်ယူချင်လဲဆိုတာကို သေချာဆုံးဖြတ်ပါ။ စိတ်ဝင်စားစရာဘာသာရပ်တွေကော သင်ယူစရာဘာသာရပ်တွေကော အရမ်းများနေတဲ့ခေတ်ကြီးမှာ ကိုယ်တကယ်စိတ်ပါဝင်စားတဲ့ ဘာသာရပ်ကို သေချာစိစစ်ရွေးချယ်နိုင်ပါမှ အချိန်ကုန်လူပန်းသက်သာမှာဖြစ်ပါတယ်။ကိုယ်သင်ယူချင်တဲ့ ဘာသာရပ်ကို တွေ့ပြီဆိုတာနဲ့ ဘယ်ကနေသင်ယူမလဲ။ Youtube ကနေလား။ တခြား Learning Platform တွေကနေလား။ အဲPlatform တွေမှာလည်း Subject တစ်ခုဆိုရင်လည်း အဲဒါနဲ့ သက်ဆိုင်တဲ့ Level နဲ့လိုက်ပြီးပဲဖြစ်ဖြစ် အမျိုးအစားနဲ့လိုက်ပြီးပဲဖြစ်ဖြစ် Lessons တွေအများကြီးရှိပါတယ်။ ကိုယ်အချိန်ဘယ်လောက်ပေးပြီး လေ့လာမလဲ။ ကိုယ်ဘယ်လောက် Effort စိုက်ထုတ်ပြီး လေ့လာမလဲဆိုတာပေါ်မူတည်ပြီး ရွေးချယ်ပေးရမှာဖြစ်ပါတယ်။

သင်ယူမဲ့ သင်ခန်းစာက သေချာသွားပြီဆိုရင် ဘယ်အချိန်မှာ လေ့လာမယ်။ တစ်နေ့ကို ဘယ်လောက်ပြီးအောင် ဘယ်နှစ်နာရီကြာလေ့လာမယ်ဆိုတာကို Goal setting ချရမှာပါ။ ဒါဟာကိုယ့်ကိုကိုယ် Displine ထားခြင်းဖြစ်ပါတယ်။ နေ့စဉ်ပုံမှန်လေ့လာဖို့ အချိန်မှန်လေ့လာနိုင်ခြင်းဟာ Self-study ရဲ့ Key ဖြစ်ပါတယ်။

စာစလေ့လာပြီဆိုရင် အရေးကြီးဆုံးကတော့ စိတ်အာရုံမပျံ့လွှင့်ဖို့ပဲဖြစ်ပါတယ်။ ဖုန်းကို Silent လုပ်ထားတာ။ အင်တာနက်ပိတ်ထားတာ။ Social media ကနေ Chatting apps တွေကနေ Noti တွေဝင်လာတာက စာလုပ်နေတုန်း အာရုံတွေကို သေချာ မစိုက်နိုင်တာမျိုးဖြစ်တတ်ပါတယ်။ ပြီးတော့ အိမ်မှာလုပ်နေတာဖြစ်တယ်ဆိုရင်လည်း ကိုယ်စာလုပ်တဲ့နေရာလေးကို သတ်သတ်ထားဖို့ ရှင်းရှင်းလင်းလင်းထားဖို့ လိုပါတယ်။ဒါမှလည်း စာလုပ်တဲ့အခါ စိတ်လေးရှင်းပြီး အာရုံပိုစိုက်နိုင်မှာဖြစ်ပါတယ်။