ပရီးမီးယားလိဂ်ချန်ပီယံဆုအတွက် လီဗာပူးလ်အသင်းနဲ့ နည်းပြအာနီဆလော့ကို ကလောပ့်ဂုဏ်ပြု
လီဗာပူးလ်အသင်းနည်းပြဟောင်း ကလောပ့်က ၂၀၂၄-၂၅ ရာသီပရီးမီးယားလိဂ်ချန်ပီယံဆုကို ရယူနိုင်ခဲ့တဲ့ သူ့ရဲ့အသင်းဟောင်း လီဗာပူးလ်အသင်းနဲ့ သူ့ရဲ့နေရာမှာဆက်ခံခဲ့တဲ့ နည်းပြအာနီဆလော့တို့ကို ဂုဏ်ပြုခဲ့ပါတယ်။
လီဗာပူးလ်အသင်းဟာ ပြီးခဲ့တဲ့ပွဲစဉ်မှာ စပါးအသင်းကို (၅-၁)ဂိုးနဲ့ ဂိုးပြတ်အနိုင်ရပြီး ရာသီမကုန်မီ(၄)ပွဲအလိုမှာ ပရီးမီးယားလိဂ်ချန်ပီယံဆုကို ရယူနိုင်ခဲ့တာပါ။
ပြီးခဲ့တဲ့နွေရာသီကမှ နည်းပြဟောင်း ကလောပ့်ရဲ့နေရာမှာအစားထိုးဝင်ရောက်ပြီး လီဗာပူးလ်အသင်းကို နည်းပြသစ်အဖြစ်ကိုင်တွယ်ခဲ့တဲ့ ဒတ်ချ်လူမျိုးနည်းပြအာနီဆလော့ဟာ သူပထမဆုံးကိုင်တွယ်တဲ့ရာသီမှာတင် အသင်းကို ပရီးမီးယားလိဂ်ဖလားရယူပေးနိုင်ခဲ့တာဖြစ်ပါတယ်။ ဂျာမန်လူမျိုးနည်းပြ ကလောပ့်ဟာ လီဗာပူးလ်အသင်းရဲ့ပရီးမီးယားလိဂ်ချန်ပီယံဆုအောင်ပွဲအတွက် သူ့ရဲ့ဆိုရှယ်မီဒီယာ Instagram မှာဂုဏ်ပြုရေးသားခဲ့ပါတယ်။
ကလော့ပ်က "အတိတ်အတွက် အလွန်ကျေးဇူးတင်တယ်၊ပစ္စုပ္ပန်အတွက် အလွန်ပျော်တယ်၊ အနာဂတ်အတွက် အလွန်အပြုသဘောဆောင်တယ်။ ဂုဏ်ယူပါတယ်၊ YNWA၊ ကျေးဇူးတင်ပါတယ် လီဗာပူးလ်"လို့ ရေးသားခဲ့တာဖြစ်ပါတယ်။
ပရီးမီးယားလိဂ်ချန်ပီယံအဖြစ် လီဗာပူးလ်အသင်းအောင်ပွဲခံချိန်ကွင်းထဲမှာ နည်းပြအာနီဆလော့ဟာ ကလောပ့်ရဲ့နာမည်ကို သီဆိုမှုပြုလုပ်ခဲ့ပါတယ်။ ကလောပ့်ဟာ လီဗာပူးလ်အသင်းကို ၂၀၁၅ ကနေ ၂၀၂၄ ခုနှစ်အထိ (၉)နှစ်ကိုင်တွယ်ခဲ့ပြီး ပရီးမီးယားလိဂ်၊ ချန်ပီယံလိဂ်အပါအဝင် ဆုဖလားအောင်မြင်မှုအများအပြားရယူပေးနိုင်ခဲ့ပါတယ်။
