နည်းပြအက်ဒီဟောင်း အသင်းအတွက်အလုပ်ပြန်လုပ်နေပြီလို့ နယူးကာဆယ် အတည်ပြု

နည်းပြအက်ဒီဟောင်း အသင်းအတွက်အလုပ်ပြန်လုပ်နေပြီလို့ နယူးကာဆယ် အတည်ပြု

အဆုတ်ရောင်ရောဂါကြောင့် ဆေးရုံတက်ကုသမှုတွေခံယူပြီးနောက် ပြန်လည်ကောင်းမွန်လာပြီဖြစ်တဲ့ နည်းပြအက်ဒီဟောင်းဟာ အသင်းအတွက်အလုပ်ပြန်လုပ်နေပြီလို့ နယူးကာဆယ်အသင်းက အတည်ပြုခဲ့ပါတယ်။ အက်ဒီဟောင်းဟာ အဆုတ်ရောင်ရောဂါကြောင့် ရက်အတော်ကြာနေမကောင်းဖြစ်ပြီးနောက် အခုလအစောပိုင်းမှာ ဆေးရုံတက်ရောက်ကုသမှုခံယူခဲ့ရပါတယ်။

အက်ဒီဟောင်းဟာ ဆေးရုံတက်ရောက်ကုသမှုခံယူခဲ့ရတဲ့အတွက် နယူးကာဆယ်အသင်းက မန်ယူနိုက်တက်အသင်းကို (၄-၁)ဂိုးနဲ့ အနိုင်ရတဲ့ပွဲ၊ ခရစ္စတယ်ပဲလေ့စ်အသင်းကို (၅-ဝ)နဲ့ အနိုင်ရတဲ့ပွဲနဲ့ အက်စတွန်ဗီလာအသင်းကို (၁-၄)ဂိုးနဲ့ အရေးနိမ့်တဲ့ပွဲတွေမှာ ကိုင်တွယ်နိုင်ခဲ့ခြင်းမရှိတာဖြစ်ပါတယ်။ နည်းပြအက်ဒီဟောင်းမကိုင်တွယ်နိုင်ခဲ့တဲ့ ဒီပွဲတွေကို လက်ထောက်နည်းပြတွေဖြစ်တဲ့ တင်ဒဲလ်နဲ့ ဂရေမီဂျုံးစ်တို့က နယူးကာဆယ်အသင်းကို ဦးဆောင်ကိုင်တွယ်ခဲ့တာပါ။

အခုအချိန်မှာတော့ နည်းပြအက်ဒီဟောင်းဟာ ကလပ်ရဲ့လေ့ကျင့်ရေးစင်တာမှာ သူ့ရဲ့တာဝန်တွေကို ပြန်လည်ထမ်းဆောင်နေကြောင်း နယူးကာဆယ်အသင်းက သူတို့ရဲ့ဆိုရှယ်မီဒီယာ X မှာ အတည်ပြုခဲ့တာဖြစ်ပါတယ်။ အက်ဒီဟောင်းအနေနဲ့ ကျန်းမာရေးအခြေအနေပြန်ကောင်းမွန်လာပြီဖြစ်လို့ ဧပြီ(၂၆)ရက်မှာ ယှဉ်ပြိုင်မယ့် အစ်ဝစ်ချ်အသင်းနဲ့ ပရီးမီးယားလိဂ်ပွဲစဉ်မှာ နယူးကာဆယ်အသင်းကို ကွင်းအတွင်းမှာ ပြန်လည်ကြီးကြပ်ဖွယ်ရှိနေတာပါ။

အက်ဒီဟောင်းဟာ နယူးကာဆယ်အသင်းကို ပြီးခဲ့တဲ့ ကာရာဘောင်းလိဂ်ဖလားဗိုလ်လုပွဲမှာ လီဗာပူးလ်အသင်းကို အနိုင်ရရှိအောင် ကိုင်တွယ်ပေးပြီး အသင်းကို နှစ်ပေါင်း(၇၀)အတွင်း ပထမဆုံးပြည်တွင်းဖလားရရှိအောင် ဦးဆောင်ပေးနိုင်ခဲ့ပါတယ်။ နယူးကာဆယ်အသင်းဟာ ဒီရာသီပရီးမီးယားလိဂ်ပြိုင်ပွဲမှာ အမှတ်ပေးဇယားအဆင့်(၅)နေရာရပ်တည်နေပြီး လာမယ့်ရာသီချန်ပီယံလိဂ်ဝင်ခွင့်ရရှိဖို့ ပစ်မှတ်ထားနေတာဖြစ်ပါတယ်။

Read more

ရမှတ်(၁၀၀)ရယူပြီး ဂိုးကွာခြားချက်အသာနဲ့ ချန်ပီယံရှစ်ချန်ပီယံဖြစ်ခဲ့တဲ့ လိဒ်စ်ယူနိုက်တက်

ရမှတ်(၁၀၀)ရယူပြီး ဂိုးကွာခြားချက်အသာနဲ့ ချန်ပီယံရှစ်ချန်ပီယံဖြစ်ခဲ့တဲ့ လိဒ်စ်ယူနိုက်တက်

ချန်ပီယံရှစ်ပြိုင်ပွဲမှာ ရမှတ်(၁၀၀)နဲ့အထက်ရတဲ့အသင်းတွေအရင်က ရှိခဲ့ဖူးပါတယ်။ ၁၉၉၉ ခုနှစ်မှာ ဆန်းဒါးလန်းအသင်းက (၁၀၅)မှတ်အထိရယူကာစံချိန်တင်ခဲ့ပြီး ဒီစံချိန်ကို ၂၀၀၆ ခု

လမ်းတစ်လမ်းပဲခြားတဲ့ ပါရီမြို့ခံအသင်း(၂)သင်း

လမ်းတစ်လမ်းပဲခြားတဲ့ ပါရီမြို့ခံအသင်း(၂)သင်း

ပြင်သစ်ကလပ် PSG အသင်းက ပြင်သစ်နိုင်ငံမြို့တော် ပါရီမြို့ကို ကိုယ်စားပြုတဲ့တစ်သင်းတည်းသောအသင်းအဖြစ် ပြင်သစ်လိဂ်မှာ ယှဉ်ပြိုင်နေတာအတော်ကြာခဲ့ပါပြီ။ လာမယ့

အယ်လ်ဟီလယ်အသင်းနဲ့ ပေါ်တူဂီလူမျိုးနည်းပြဂျော့ခ်ျဂျီးဆပ် နှစ်ဦးသဘောတူလမ်းခွဲ

အယ်လ်ဟီလယ်အသင်းနဲ့ ပေါ်တူဂီလူမျိုးနည်းပြဂျော့ခ်ျဂျီးဆပ် နှစ်ဦးသဘောတူလမ်းခွဲ

ဆော်ဒီပရိုလိဂ်ကလပ် အယ်လ်ဟီလယ်အသင်းဟာ ရလဒ်ဆိုးတွေကြောင့် နည်းပြဖြစ်သူ ဂျော့ခ်ျဂျီးဆပ်စ်နဲ့ နှစ်ဦးသဘောတူလမ်းခွဲခဲ့ကြောင်း ကြေညာချက်ထုတ်ပြန်ခဲ့ပါတယ်။ အယ်

ဒီနေ့ရဲ့အကြိုက်ဆုံးပွဲများ ကြိုတင်ရင်ခုန်သံ

ဒီနေ့ရဲ့အကြိုက်ဆုံးပွဲများ ကြိုတင်ရင်ခုန်သံ

လိုက်ပ်ဇစ် - ဘိုင်ယန်မြူးနစ် (ဘွန်ဒစ်လီဂါ) (3 May 2025/ 8:00 pm) ဒီပွဲက ဘိုင်ယန်မြူးနစ်အတွက် ဒီရာသီဘွန်ဒစ်လီဂါချန်ပီယံအဖြစ် အောင်ပွဲခံခွ