“Gelလက်သည်းနီတွေ ဆိုးတဲ့ အခါမှာ သိထားသင့်တဲ့ အချက်များ”

ဒီဘက်ခေတ် လက်သည်းနီဆိုးတဲ့ အခါမှာ အရင်လို ရိုးရိုးလက်သည်းနီထက် Gel လက်သည်းနီကို ဆိုးကြတာများလာပါတယ်။

Gel လက်သည်းနီက အရောင်လေးတွေလည်း ပိုလှပြီး ရိုးရိုးလက်သည်းနီတွေထက်လည်း ပိုပြီးကြာရှည်ခံတာတွေကြောင့် လူကြိုက်များလာတာ ဖြစ်ပါတယ်။

ဒါပေမယ့် ဒီလို gel လက်သည်းနီကို ခဏခဏ ဆိုးတာက နောက်ပိုင်း လက်သည်းကင်ဆာနှင့် အခြားဆိုးကျိုးတွေကိုလည်း ဖြစ်လာနိုင်စေပါတယ်နော်။

📌Gelလက်သည်းနီဆိုးတာက ပုံမှန်လက်သည်းဖျက်ဆေးနဲ့ မဟုတ်ဘဲ စက်နဲ့လုပ်ရတာမလို့ အကြိမ်များရင် လက်သည်းလည်း ထိလာပြီး ပါးလာတတ်ပါတယ်။

📌နောက်ပြီး Gel လက်သည်းနီတွေက ပုံမှန် ၂-၃ပတ်လောက်ထိ ခံပါတယ်။ ဒီလို ၃ပတ်လောက်ကြာသွားပြီးတဲ့ အခါမှာလည်း နောက်ထပ် အရောင်တစ်ခုကို ချက်ချင်း တန်းဆိုးတာကို လည်း ရှောင်သင့်ပါတယ်။

📌လက်သည်းကို ၂ ပတ်လောက် ဘာမှမဆိုးဘဲ ခဏအနားပေးပြီးမှ နောက်တစ်ခေါက်ပြန်ဆိုးပေးကြဖို့ ပြောချင်ပါတယ်။

📌ဒီလိုမျိုး gel လက်သည်းနီဖျက်တဲ့ အခါမှာလည်း ကုတ်ဖဲ့တာမျိုး၊ အိမ်မှာ ကိုယ့်ဘာသာဖျက်တာမျိုးမလုပ်ကြဖို့လည်း မှာချင်ပါတယ်။ ဆိုင်သွားပြီး ကျွမ်းကျင်သူတစ်ဦးနဲ့ လုပ်ကြဖို့ အကြံပေးချင်ပါတယ်။

📌ပိုပြီး ကျန်းမာတဲ့ လက်သည်း၊ခြေသည်းအတွက် အမြဲတမ်း အစိုဓာတ်ပေးနေဖို့လည်း လိုအပ်ပါတယ်။ ဒါကြောင့် လက်သည်း၊ခြေသည်းနား တစ်ဝိုက်ကို Vaseline လိုမျိုး အစိုဓာတ်ထိန်းပေးတဲ့ Cream တစ်ခုခု လိမ်းပေးဖို့ ပြောချင်ပါတယ်။

📌နောက်ဆုံးတစ်ခုက တော့ gelလက်သည်းနီ၊ ခြေသည်းနီတွေကို ခံတယ်ဆိုပြီး အကြာကြီးထားကြတဲ့ အချက်ပဲ။ ဒိလို ဆိုးပြီးသွားပြီဆိုရင် အများဆုံး ၁လ ထက်ပိုပြီး လုံးဝမထားသင့်ပါဘူးနော်။

အခက်မသင့်ရင် ရောင်တာတွေ ယားယံတာတွေ အစရှိတဲ့ နောက်ဆက်တွဲတွေကို ဖြစ်လာနိုင်ပါတယ်။

ကဲ အခုဆိုရင် Gel လက်သည်းနီတွေ ဆိုးခြင်းကနေ ဖြစ်လာနိုင်တဲ့ နောက်ဆက်တွဲ ဆိုးကျိုးတွေနဲ့ ဆောင်ရန် ရှောင်ရန်တွေကို သိပြီးကြပြီဖြစ်တာကြောင့် နောက်ကျ နည်းလမ်း မှန်မှန်ကန်ကန်နဲ့ ထိန်းသိမ်းကြဖို့လည်း မျှော်လင့်ပါတယ်။

#manicure #pedicure #healthtips #akhayarlifestyle