မြေပြင်ရောဝေဟင်ပါမောင်းနှင်နိုင်မည့်ယာဉ်

PAL-V သည် ၎င်း၏နောက်ဆုံးပေါ်ပျံသန်းနိုင်သောကားအသစ်ကို Sharjah ၏ Research Technology and Innovation Park တွင် မိတ်ဆက်ပြသခဲ့သည်။လူနှစ်ဦးစီးနိုင်သော၎င်းယာဉ်သည် ဈေးနှုန်းအားဖြင့် Dh2.9 million နှင့် သီတင်းများအရ PKR 2.1 ကဋေခန့် ရှိပြီး၊ တစ်ကြိမ်ပျံနိုင်သောအကွာအဝေးမှာ ၅၀၀ ကီလိုမီတာရှိသည်။

အဆိုပါယာဉ်အတွက်လိုအပ်သော စည်းမျဉ်းများအတည်ပြုပြီးပါက ၂၀၂၇ UAE ကောင်းကင်ယံတွင်မြင်တွေ့နိုင်မည်ဖြစ်သည်။အဆိုပါကားတွင် ခေါက်နိုင်သောပန်ကာများပါရှိပြီး မြေပြင်ပေါ်မောင်းနှင်ခြင်းနှင့်ဝေဟင်ပျံသန်းခြင်း ကိုလည်းလွယ်ကူစွာကူးပြောင်းနိုင်သည်။

ယာဉ်သည် အရေးပေါ်ကယ်ဆယ်ရေးလုပ်ငန်းများနှင့် ကိုယ်ပိုင်သယ်ယူပို့ဆောင်ရေးအတွက်အသုံးပြုနိုင်ရန်ဒီဇိုင်းဖန်တီးထားသည်ဟုသိရသည်။

PAL-V ၏ CEO ဖြစ်သူ Robert Dingemanse က ဝေဟင်တွင်ပျံသန်းသည့် Taxi များအဖြစ် UAE တွင် မကြာမီမြင်တွေ့လာနိုင်သည်ဟုပြောကြားခဲ့သည်။ ကုမ္ပဏီသည် Jetex မှ အစီးရေ 100 အပါအဝင် အမှာစာများ လက်ခံရရှိထားပြီးဖြစ်ပြီး အနာဂတ်တွင် ဂေဟစနစ်နှင့်ကိုက်ညီပြီးပျံသန်းနိုင်သောကားများကိုတီထွင်ထုတ်လုပ်ရန် စီစဉ်လျက်ရှိသည်။