Food

စားလို့လည်း ကောင်း ဓာတ်ဖမ်းလို့လည်း ကောင်းတဲ့ တောင်ဥက္ကလာက ဆိုင်လေး

ဆိုင်တွေ ပေါများတဲ့ တောင်ဥက္ကလာမှာ admin ကတော့ ဆိုင်ကောင်းလေး တစ်ဆိုင်ကို ထပ်မံ ရှာတွေ့လာပါပြီ။ admin လိုမျိုး တစ်နေရာသွားရင် ဓာတ်ပုံကလည်း ရိုက်ချင် စားကလည်း စားချင်တဲ့ သူတွေရှိမယ်ဆိုရင် ဒီဆိုင်လေးက လုံးဝ အဆင်ပြေစေမှာ အသေအချာပါပဲ။

သူ့ဆိုင်လေးက နှစ်ထပ်ဖြစ်ပြီး တော်တော်လေးလည်း အေးအေးဆေးဆေးရှိတယ်။ အပေါ်ထပ်မှာဆိုရင် မြန်မာဆန်ဆန် ဆိုင် အပြင်အဆင်လေးတွေနဲ့ ဓာတ်ဖမ်းချင်တဲ့ သူတွေအတွက် ကွက်တိပဲ။ အောက်ထပ်မှာဆိုရင်လည်း အေးအေးဆေးဆေးလေးထိုင်ပြီး စားသောက်ချင်တဲ့ သူတွေအတွက် တော်တော် အဆင်ပြေတယ်။

Admin တို့ကတော့ စားလိုက် အပေါ်ထပ်လေးမှာ ဓာတ်ပုံတွေရိုက်လိုက်နဲ့ အဆင်တွေပြေနေရောပဲ တစ်ကယ်။စာအုပ်စင်လေးလည်း ထားပေးထားတော့ အေးဆေး စာအုပ်ဖတ်ပြီး အပေါ်ထပ်မှာ နေလို့လည်း ရတယ်နော်။

ကြက်ငရုတ်ကောင်းချက်-5000ks ကြက်သားနူးအိနေတာလေးကိုမှ ငရုတ်ပွရယ် ငရုတ်ကောင်းလေးရယ်နဲ့ ချက်ထားတာ။ ထမင်းပူပူလေးနဲ့ တွဲစားကြည့်ရင် တစ်ကယ် ရှယ်ပဲနော်။

ကြက်သောက်စမ်းဟင်းရည်-5000ks ဒီလို အေးနေတဲ့ အချိန်မှာ ကြက်သောက်စမ်းဟင်းရည် ပူပူလေးနဲ့ ထမင်းလေးက အရမ်းကိုလိုက်ဖက်နော်။ ပုံမှန်နဲ့ မတူတာကတော့ သူက ဟင်းရည်ထဲမှာ မျှစ်ချဉ်လေးတွေပါ ပါတယ်ပေါ့နော်။အသားလည်းများပြီး အရသာကလည်း ချဉ်ငံစပ်လေးမို့လို့ ဟင်းရည်မှာဖို့ စဉ်းစားထားတယ်ဆို ဒီဟာလေး သောက်ကြည့်ကြဖို့ admin က ပြောချင်ပါတယ်။

စားစရာတွေရော သောက်စရာတွေရောဆိုလည်း အကုန်နီးပါး admin အကြိုက်တွေ့တယ် ပြောရမယ်။ အဲ့ထဲမှာမှ အမဲလုံး မျှစ်ချဉ်ခေါက်ဆွဲ,ပုစွန်ထမင်းကြော် , ငါးကင်ပွန်းချဉ်ကင် နဲ့ ကြက်ငရုတ်ကောင်းချက်ကတော့ admin အကြိုက်ဆုံးပဲ။ နောက် သောက်စရာထဲမှာဆိုရင်Mango Yoghurt Latte ကိုတော့ တော်တော် ကြိုက်တယ်။ကဲ ဒါဆို အောက်က ပုံလေးတွေမှာ admin စားခဲ့တာလေးတွေကို အသေးစိတ်နဲ့ စျေးနှုန်းလေးတွေပါ ပြောပြပေးထားတာမို့လို့ စိတ်ဝင်စားတယ်ဆိုရင် ဆက်လက်ဖတ်ပေးကြဦးနော်။