ကျောက်ပန်းတောင်းက မုန့်ပျားသလက်ကို ရန်ကုန်မှာစားကြမယ်

“ကျောက်ပန်းတောင်းထိသွားစရာမလိုပဲ ရန်ကုန်မှာကျောက်ပန်းတောင်း မုန့်ပျားသလက်ကောင်းကောင်းစားလို့ရနေပါပြီ!”
မုန့်ပျားသလက်စားချင်နေတာအတော်ကြာပြီ၊
ဆိုင်ရှားတာရယ် ဆိုင်ကောင်းကောင်းမတွေ့သေးတာရယ်နဲ့မစားဖြစ်ဘူး၊ ဒီဆိုင်လေးကိုတော့တစ်နေ့ကpostတွေ့လိုက်တာကြောင့်ရယ်မင်မင်နဲ့လည်းနီးနေတာနဲ့ရယ် ဒီနေ့သွားစားဖြစ်ခဲ့တယ်။

ဆိုင်နာမည်လေးက” ဂျမ်းစိန်”တဲ့…မင်မင်ဒီနေ့စားကြည့်ခဲ့တာ၃မျိုးပါ။

မုန့်ပျားသလက်(ရှယ်) -၁၅၀၀
အသီးအရွက် အာလူး(ချဉ်စပ်) -၆၀၀
ငုံးဥ အကြေကြော်(ချဉ်စပ်) -၈၀၀
မင်မင်စားတဲ့၁၅၀၀တန်လေးကသူ့ဆီမှာစျေးအများဆုံးပဲ။
မုန့်ပျားသလက်(ရှယ်)
ငုံးဥ ၇လုံး၊အာလူးကြော်နဲ့အသီးအရွက်ပါတယ်။
အသီးအရွက်က ဆူးပုတ်ရွက် ခရမ်းချဉ်သီးနဲ့ မုန်လာဥနီလေးရယ်ပါ။

သူကဆိုဒ်ပိုကြီးတယ် မုန့်သားက မပျော့မမာအိအိလေးနဲ့အနားကြွပ်ကြွပ်လေး၊ ငုံးဥလေးနဲ့တွဲထားတော့မုန့်သားကပိုအိတယ်လို့ခံစားရမိတယ်။

အသီးအရွက် အာလူး(ချဉ်စပ်)
အာလူးကြော်နဲ့အသီးအရွက်အပြင် ချဉ်စပ်ဆိုတော့ငရုတ်သီးစိမ်းလေးရယ်နဲ့ပေါ့ ၊
လိုက်ဖက်တဲ့ခရမ်းချဉ်သီးနဲ့ငရုတ်သီးစိမ်းအပြင်ဆူးပုတ်ရွက်နံ့လေးနဲ့
အာလူးကြော်ကလည်းအပူပေးထားတော့ကြွပ်ကြွပ်ကြီးမဟုတ်တော့ပဲအားလုံတွဲဖက်ပြီးပြီးအရသာရှိတယ်။

ငုံးဥ အကြေကြော်(ချဉ်စပ်)
ငုံးဥ ၂လုံးနဲ့ အသီးအရွက်နဲ့အာလူးကြော်လေးကိုခြေပြီးကြော်ထားတာ ငရုတ်သီးစိမ်းရယ်နဲ့
တကယ်တော့မင်မင်မသိဘူးအကြေကြော်ဆိုတာ
တစ်ခြား တစ်မျိုးထင်လို့တာ သူကအသီးအရွက်အာလူးနဲ့သိပ်မကွာဘူး။ ငုံးဥ ၂လုံးပဲကွာတာ။
မန်ကျည်း ငရုတ်သီးစိမ်းချဉ်စပ်စပ်လေးကိုဂေါ်ဖီနဲ့
နံ့နံ့ပင်လေးထည့်ထားပေးတယ်။ ဒီတိုင်းစားတာ
ထက်အချဉ်လေးနဲ့ကပိုအရသာရှိတယ်။

မင်မင်စားလိုက်တာတော့အချဉ်၂ခွက်ကုန်တယ်
ဆိုင်က ၂နာရီဆိုဖွင့်ပါပြီ။ လူကျရင်တော့စောင့်ရတယ်နော်။
မြို့နယ်အလိုက်လဲ delivery ရှိပါတယ်တဲ့။