Jetour ရဲ့ X series SUV အသစ်ဖြစ်တဲ့ X90 Plus

Jetour X90 Plus ကို Gold AYA Motors မှ ပြီးခဲ့တဲ့ ၂၀၂၄ ဒီဇင်ဘာလ ၂၇ ရက်နေ့ က Sedona Hotel မှာ မိတ်ဆက်ခဲ့တယ်။

မိတ်ဆက်ခဲ့တဲ့ Jetour X90 Plus ဟာဆိုလို့ရှိရင်တသွင်သွင် စီးဆင်းနေသည့် ရေတံခွန်အလား အရှေ့ Grill Pattern နှင့် ခန့်ညားထည်ဝါသည့် အသွင်အပြင်ဖြင့် Jetour X90 Plus သည် Jetour မှ X Series SUV များထဲတွင် အရွယ်အစား အကြီးဆုံးဖြစ်ပြီး ခုံ ၃ တန်း ပါဝင်ကာ ၇ ယောက်စီး ကားအမျိုးအစားဖြစ်သည်။

2.0 လီတာ Turbo Charge အင်ဂျင်နှင့်အတူ 7 Speed DCT transmission ကို တွဲဖက်ပေးထားသောကြောင့် အမြင့်ဆုံး မြင်းကောင်ရေ (Ps) 254 နှင့် အမြင့်ဆုံး Torque (N.m) 390 အထိပါဝင်သည်။ 255/45 R20 (Aluminium Alloy Rims) Wheel Type ဖြစ်ပြီး ဆီစားနှုန်းမှာ 8.1L/100 km ရှိသည်။ မိသားစုများ မြို့ပြင်/ မြို့တွင်း အသုံးပြုမှု အထူးအဆင်ပြေသည်။

Jetour X90 Plus ကို အဖြူရောင်၊ အနက်ရောင်နှင့် ခဲရောင် သုံးမျိုးရွေးချယ်နိုင်သည်။

GOLD AYA Motors ၏ Corporate Manager ကိုနောင်နောင်ထွန်း က “ အရည်အသွေး ကောင်းမွန်ပြီး မိသားစုများအတွက် ဖန်တီးထုတ်လုပ်ထားတဲ့ Premium SUV တစ်စီးဖြစ်တယ်လို့ အခိုင်အမာ ယုံကြည်ပါတယ်” ဟု ပြောကြားခဲ့သည်။

ဒါ့အပြင် ရန်ကုန်နှင့် မန္တလေးမြို့များတွင် အရောင်းပြခန်းများထားရှိကာ အရည်အသွေးမြင့် Jetour ကားများကို ရောင်းချလျက်ရှိသည်။