အရူးလုပ်နေတဲ့ iPhone 17 Series ဒီဇိုင်း

iPhone 17 Series ကတော့ Dummy Unit တွေ ထပ်ထွက်လာပြန်ပါပြီ။ ဒီဇိုင်းက ပြောင်းမှာလား မပြောင်းဘူးလား မမဆောင်းဖြစ်နေပါပြီ။ iPhone 17 Air ပဲ ဒီဇိုင်းပြောင်းမယ်လို့ ပြောနေကြပေမဲ့လည်း Dummy Unit တွေအရ ကင်မရာဘန့်တွေပြောင်းမယ့်ပုံစံက 70% လောက်ဖြစ်နေပြန်ပီ။ 

မနေ့က အရင်ထွက်ခဲ့တဲ့ သတင်းက iPhone 17 Air ရဲ့ အထူပါ။ iPhone 17 Air က Apple ထွက်သမျှဖုန်းတွေထဲ အပါးဆုံးဖုန်းဖြစ်လာမယ်ဖြစ်ကြောင်းနဲ့ ဖုန်းရဲ့အထူက 5.5mm နဲ့ 6.4mm ကြားမှာ ရှိတယ်လို့ ဆိုပါတယ်။ နောက်ပြီး iPhone 17 Air ဟာ Samsung ဖုန်းတွေထက် ပိုပြီးပါးလွှာမယ်လို့လည်း ပြောထားပါတယ်။ တစ်ခုရှိတာက ပါးမှာမို့ ဘတ်ထရီပမာဏနဲ့ ကင်မရာပိုင်းနဲ့ပတ်သတ်ပြီးတော့ အနည်းငယ်ဝိတ်လျော့ထားမယ့်သဘောပါပဲ။ 

ဒီသတင်းပြီးတဲ့နောက်မှာပဲ iPhone 17 Series တစ်ခုလုံးရဲ့ Dummy units တွေ ထွက်လာတာပါ။ အဖြူနဲ့အမဲဆိုပြီး ၂ မျိုးထွက်လာတာပါ။ အရင် iPhone 16E တုန်းက Dummy unit ထွက်ခဲ့တာနဲ့ တော်တော်တူတာမို့ iPhone 17 Series ကိုလည်း မျှော်လင့်ထားရမလားမသိ။ ဒီဇိုင်းမပြောင်းဘူး ပြောင်းမယ်လုပ်နေတဲ့ iPhone 17 Series ကတော့ ထွက်ခါမှပဲ ဟင်းချနိုင်မယ့်ပုံပါပဲ။