Google Chrome ကို ဝယ်ချင်နေပြန်တဲ့ OpenAI

လက်ရှိ Google က Chrome နဲ့ပတ်သက်ပြီး စွပ်စွဲမှုတစ်ချို့ရှိနေပြီး တရားရင်ဆိုင်နေရပါတယ်။ Chrome ကို ရောင်းခိုင်းတဲ့အထိပါဖြစ်နေတာပါ။ ဒီအချိန်မှာ OpenAI ကနေ ဝယ်ဖို့ စိတ်ဝင်စားနေတယ်ဆိုပြီး သတင်းတွေ ထွက်လာတာပါ။ 

ပြီးခဲ့တဲ့လတုန်းက US တရားရေးဌာနကနေ Chrome Browser ဟာ အွန်လိုင်းရှာဖွေရေးနယ်ပယ်မှာ လက်ဝါးကြီးအုပ် အာဏာအလွဲသုံးစားလုပ်နေတယ် (Monopoly လို့လည်း ဆို) ဆိုပြီး စွပ်စွဲထားတာပါ။ ဒါတင်မကသေးပဲ Chrome ကို Google ရဲ့ အစိတ်အပိုင်းတွေထဲက တစ်ခုအဖြစ် ခွဲထုတ်ပြီး ရောင်းချဖို့ တောင်းဆိုခဲ့ပါတယ်။ 

OpenAI အနေနဲ့ 2023 လောက်တုန်းက Chrome ထဲမှာ ChatGPT ရှာဖွေမှုတွေ ထည့်သွင်းဖော်ပြဖို့ Google နဲ့ ညှိနှိုင်းမှုတွေ လုပ်ခဲ့ဖူးတယ်လို့ သတင်းတွေထွက်ခဲ့သေးပါတယ်။ Google ဘက်က ညှိနှိုင်းမှုတွေ မလုပ်ဖူးကြောင်း ငြင်းဆန်ခဲ့ပေမဲ့ OpenAI ကတော့ မဝယ်ချင်တောင် ပူးပေါင်းမှုအချို့ လုပ်ချင်ခဲ့တဲ့ပုံပါပဲ။ 

လက်ရှိ Google စွပ်စွဲခံနေရတဲ့ အမှုကို Meta, Amazon, Apple တို့လို Big Tech ကုမ္ပဏီအများစုကလည်း စောင့်ကြည့်နေရတယ်လို့ ဆိုပါတယ်။ Similarweb ဆိုတဲ့ Data ကုမ္ပဏီရဲ့အဆိုအရ အွန်လိုင်းအသုံးပြုသူ 64% ဟာ Chrome ကို အသုံးပြုကြပြီး သူ့နောက်မှာတော့ Apple ရဲ့ Safari ကို သုံးကြတယ်လို့ ဖော်ပြထားပါတယ်။