"ေထာပတ္သီးစား႐ုံနဲ႔ ရႏိုင္တဲ့ ေကာင္းက်ိဳးမ်ား"🥑
ထောပတ်သီးတွေ ပေါတဲ့ ရာသီဆိုတော့ admin က ဘာလို့ ထောပတ်သီး စားသင့်လဲဆိုတာနဲ့ သူ့မှာ ပါတဲ့ ဓာတ်တွေက ခန္ဓာကိုယ်ကို ဘယ်လိုမျိုး ကောင်းကျိုးတွေပေးလဲဆိုတာကို မျှဝေပေးသွားမှာပဲ ဖြစ်ပါတယ်။
ထောပတ်သီးမှာက ခန္ဓာကိုယ်အတွက်လိုအပ်တဲ့ ဗီတာမင်နဲ့ သတ္တုဓာတ်တွေ များစွာပါဝင်တာကြောင့် ဒီက ရရှိနိုင်တဲ့ ကောင်းကျိုးတွေကလည်း အများကြီးရှိတာ အသေအချာပါပဲ။
ပထမဦးဆုံးအနေနဲ့ ထောပတ်သီးမှာပါတဲ့ ဓာတ်တွေက ကိုလက်စထရောlevel ကို ထိန်းညှိပေးတာမလို့ နှလုံးကျန်းမာရေးအတွက် အရမ်းကို ကောင်းပါတယ်။
မျက်လုံးကိုလည်း ပိုမို အားကောင်းလာအောင် အထောက်အကူအများကြီး ပြုတဲ့အပြင် ကင်ဆာရောဂါဖြစ်နိုင်ချကိုလည်း လျှော့ချပေးတယ်ဆိုတဲ့ အချက်တွေကိုလည်း တွေ့ရပါတယ်။
ထောပတ်သီးမှာက Fiber ဓာတ် အများအပြားပါဝင်တာကြောင့် အစာချေဖျက်အားကောင်းစေတဲ့အပြင် ထောပတ်သီးရဲ့ အစေ့မှာပါဝင်တဲ့ ဓာတ်တွေကလည်း အခြား ခန္ဓာကိုယ်အတွက်် ကောင်းကျိုးမပေးတဲ့ ပိုးမွှားတွေရန်ကနေလည်း ကာကွယ်ပေးနိုင်ပါတယ်။
အသားအရည်အတွက်ဆိုလည်း ဝက်ခြံထွက်တာတွေကို လျှော့ချပေးသလို မျက်နှာအသားအရည် ရေဓာတ်ပြည့်ဝနေဖို့ကိုလည်း အကူအညီ အများကြီးပေးပါတယ်။
နောက်ပြီး နာတာရှည်ရောဂါကဲ့သို့သော ရောဂါတွေဖြစ်နိုင်ချေကိုလည်း လျှော့ချပေးတဲ့ အပြင် အခြား သွေးတိုး,ဆီးချို,လေဖြတ်ခြင်း, အဝလွန်ခြင်းနဲ့ အစာအိမ်နဲ့ အူလမ်းကြောင်းဆိုင်ရာ ရောဂါတွေ ဖြစ်နိုင်ချေကိုလည်း လျှော့ချပေးနိုင်ပါတယ်။ကဲ အခုဆိုရင် အားလုံးလည်း ထောပတ်သီးက လူတစ်ယောက်အတွက် ဘယ်လိုမျိုးကောင်းကျိုးတွေပေးလဲဆိုတာကို သိရှိသွားပြီလို့ ထင်ပါတယ်။ ဒါကြောင့် အခြား ဖြည့်စွက်စာလိုမျိုးတွေ သောက်မယ့်အစား ဒီလိုမျိုး သဘာဝကရတဲ့ အသီးအနှံမျိုးကိုပဲ များများ စားသုံးကြဖို့ ပြောချင်ပါတယ်။
#avocadobenefits #fruit #healthylife #diet #akhayarlifestyle
