ချစ်သူက ကိုယ့်အပေါ်မှာ သစ္စာဖောက်နေပြီဆိုရင်ဘယ်လိုတုံ့ပြန်ရမလဲ
ချစ်သူရည်းစားတွေဆိုတာ အရင်းအနှီးဆုံးတစ်စိမ်းတွေလို့လည်းပြောလို့ရပါတယ်။ကိုယ့်ရဲ့အချစ်အရေးက အဆင်မပြေတာတွေများလာမယ်၊ ထင်သလောက်လည်းမပျော်ရွှင်ရတော့ဘူးဆိုရင်တော့ ကိုယ့်ရဲ့လက်ရှိအချစ်ရေးကိုသေချာပြန်ဆန်းစစ်ကြည့်ဖို့တော့လိုနေပါပြီ။ သမီးရည်းစားတွေကြားကဆက်ဆံရေးကအဆင်မပြေတော့ရင်လည်း ကိုယ့်ရဲ့တစ်ခြားအလုပ်တွေမှာပါထိခိုက် လာနိုင်ပါတယ်။ အဆိုးရွာဆုံးကတော့ နှစ်ယောက်ကြားမှာသစ္စာဖောက်ခြင်းပါနော်။တကယ်လို့ ကိုယ့်အပေါ်မှာအဲ့လိုမျိုးပြဿနာတွေကြုံလာရပြီဆိုရင် ကိုယ့်စိတ်ကိုယ်ကိုဘယ်လိုပြင်ဆင်ရမလဲ ?
နားလည်ပေးလိုက်ပါ
ကိုယ်အနားမှာမနေချင်တော့တဲ့ သူတစ်ယောက်ကိုဆွဲထားဖို့ဆိုတာက ထင်သလောက်မရိုးရှင်တဲ့ကိစ္စပါ၊ သမီးရည်းစားပဲဖြစ်ဖြစ်၊ သူငယ်ချင်းတွေပဲဖြစ်ဖြစ်ကိုယ်ဆီကနေထွက်သွားတဲ့သူတွေကိုနားလည်ပေးလိုက်တာကအကောင်းဆုံးပါ။ဘာလို့လည်းဆိုရင် နားလည်ခြင်းကကိုယ့်ရဲ့စိတ်ကိုအေးချမ်းစေသလို၊ ထွက်သွားတဲ့သူအတွက်လည်းပိုပြီးကောင်းပါတယ်။
Photo Credit -NBC News
အမုန်းနဲ့လမ်းမခွဲပါနဲ့
အမုန်းနဲ့လမ်းခွဲခြင်းကနှစ်ယောက်လုံးအတွက်ပိုပူလောင်စေပါတယ်၊ ကိုယ့်အပေါ်မှာသစ္စာမရှိတဲ့သူဆိုပေမယ့် တစ်ချို့သူတွေကအတင်းကြီးတွေအမုန်းနဲ့လမ်းခွဲတတ်ကြပါတယ်။အမုန်းနဲ့လမ်းခွဲမဲ့အစား တစ်ယောက်နဲ့တစ်ယောက်မေတ္တာနဲ့လမ်းခွဲလိုက်တာက အနည်းဆုံးတော့ရန်သူတော့မဖြစ်တော့ဘူးပေါ့နော်။
Photo Credit -Dialeg
အကောင်းဆုံးနေပါ
သူထားခဲ့လို့ဘဝကြီးပျက်သွားမဲ့ပုံစံတွေမလုပ်ပြပါနဲ့၊ တစ်ချိန်ကျရင်အားလုံးကကိုယ်တစ်ယောက်တည်းကိုထားခဲ့ပြီးထွက်သွားကြမဲ့သူတွေကြီးပါ၊ နောက်ကျတာနဲ့စောတာပဲရှိပါတယ်။ ကိုယ့်အနားမှာဘယ်သူမှမရှိလည်း ကိုယ့်ဘဝလေးကလှနေတယ်ဆိုတာ သူတို့မြင်သွားအောင်နေပြလိုက်ပါ။
Photo Credit -Bustle
Kelly -Akhayar Lifestyle
