နေ့တစ်နေ့မှာ အရေးကြီးဆုံးကမနက်စာပါပဲ။ မနက်စာဆိုတာ နေ့တနေ့ရဲ့ ပထမဆုံးစတင်ရာ Meal တစ်ခုဖြစ်လို့ အကောင်းဆုံးမဟုတ်တောင် အာဟာရပြည့်ဝပြီး ကိုယ့်ကို တနေကုန် လန်းဆန်းနေစေမယ့်မနက်စာဖြစ်ဖို့ကတော့ လိုကိုလိုအပ်ပါတယ်။
ဒီနေ့မှာတော့ အာဟာရပြည့်ဝတဲ့ မနက်စာ ဖြစ်ဖြစ် နေ့လည် သရေစာမုန့်ဖြစ်ဖြစ် Waffle maker လေးရှိရုံနဲ့ လုပ်စားလို့ရမယ့် menu လေးတစ်ခုဖြစ်တဲ့ Waffle လုပ်နည်းလေးကိုပြောပြပေးသွားမှာပဲ ဖြစ်ပါတယ်။ကဲ စိတ်ဝင်စားတယ်ဆိုရင်တော့ အောက်ကပုံလေးတွေကို ဆက်လက်ကြည့်ပေးကြဦးနော်။
ပထမဦးဆုံးအနေနနဲ့ ဘယ်လို ပါဝင်ပစ္စည်းတွေလိုလဲ? -ကြက်ဥ -နွားနို့ -ဂျုံမှုန့် -သကြား -အသီးအနှံ -Waffle နဲ့ အတူတူစားဖို့ Nutella ဒါမှမဟုတ် ကြိုက်နှစ်သက်ရာ ယို တစ်ခုခု စတာတွေ လိုအပ်ပါတယ်။ပါဝင်ပစ္စည်းလေးတွေ စုံပြီဆိုတော့ စလုပ်လိုက်ကြရအောင်!အရင်ဆုံး ပန်းကန်ထဲကို ကြက်ဉနဲ့ ဂျုံကို အရင်ထည့်ပါ။ ပြီးရင် သကြားထည့်ပါ။ပြီးရင်တော့ နွားနို့ထည့်ပါ။ အများကြီးထည့်ရင်တော့ ကျဲသွားနိုင်တာမို့လို့ ချိန်ဆပြီး ထည့်ပေးကြပါနော်။သေချာလေး နှံ့အောင်မွှေပေးပါ။ပြီးရင်တော့ Waffle လုပ်တဲ့စက်လေးထဲ ထည့်ပြီး လုပ်ပါမယ်။ *မကပ်အောင် စက်လေးကို ဆီအနည်းငယ်သုတ်ပေးဖို့လည်း မမေ့နဲ့နော်။အနည်းငယ် ကြာပြီဆိုရင်တော့ အရသာရှိတဲ့ waffle လေး ရပါပြီ။Nutella လေးသုတ်လိုက်မယ်ဒါဆိုရင်တော့ အရသာရှိတဲ့ Waffle လေးကို သုံးဆောင်နိုင်ပါပြီ။ လုပ်နည်းကလည်း လွယ်ကူတာမို့လို့ အိမ်မှာ လုပ်စားကြည့်ကြနော်။