ဓာတ်မတည့်တဲ့ အစားအသောက်တွေကိုရှောင်ကြဉ်ဖို့အတွက်ဆိုရင်

လူ့ခန္ဓာကိုယ်ရဲ့ အသွေးအသားဖွဲ့စည်းပုံတွေက တစ်ယောက်နဲ့တစ်ယောက်ကကွဲပြားကျပါတယ်။စားသောက်နေထိုင်မှုပုံစံတွေကလည်း တစ်ယောက်နဲ့တစ်ယောက်ကအကြိုက်ခြင်းလည်းမတူသလို ပမာဏကလည်းမတူကြပါဘူး။ အဲ့တော့ကိုယ်နဲ့ဓာတ်မတည့်ဘူးဆိုတဲ့အစားအသောက်တွေကလည်းဒုနဲ့ဒေပါနော်။တစ်ချို့လူတွေက ကိုယ့်ရဲ့ပတ်ဝန်းကျင်မှာပဲဖြစ်ဖြစ် မိတ်ဆွေအပေါင်းသင်းတွေကြားမှာဖြစ်ဖြစ် ကိုယ်နဲ့ဓာတ်မတည့်တဲ့အစားအသောက်တွေကိုကျွေးရင် အားနာတဲ့စိတ်နဲ့စားလိုက်တာမျိုးဖြစ်တတ်ကြပါတယ်။
ဆန်းစစ်ပါ
အရေးကြီးဆုံးက ကိုယ်ခန္ဓာကိုယ်ရဲ့အသွေးအသားနဲ့ဓာတ်မတည့်တာက ဘာလဲဆိုတာဆန်းစစ်ဖို့လိုအပ်ပါတယ်။တစ်ချို့သူတွေက ငါးဓာတ်တွေနဲ့မတတ်တာမျိုးနဲ့ ပင်လယ်စာတွေနဲ့ဓာတ်မတည့်တာမျိုးတွေဖြစ်တတ်ပါတယ်။ ကိုယ့်နဲ့ဓာတ်မတည့်တာမျိုးကိုသိမှရှောင်ကျဉ်လို့ရပြီး နောက်တစ်ခါမစားမိအောင်လည်းသတိထားလို့ရမှာပါနော် ။

ငြင်းဆန်ပါ
အပေါင်းအသင်းတွေကြားမှာဖြစ်ဖြစ်၊ မိသားစုတွေကြားမှာဖြစ်ဖြစ် ဓာတ်မတည့်တဲ့အစားအသောက်တွေကိုတစ်စုံတစ်ယောက်ကလုပ်ကျွေးလို့အားနာလို့စားလိုက်ရတာမျိုးမလုပ်ပါနဲ့။ ကိုယ့်သွေးသားနဲ့တစ်ခုခုဓာတ်မတည့်တာဖြစ်ရင် ဘယ်လောက်ထိခံစားရလဲဆိုတာ ဖြစ်ဖူးတဲ့လူတွေပဲသိပါတယ်။ အဲ့ကြောင့်အားမနာပါနဲ့ ပွင့်ပွင့်လင်းလင်းပြောလိုက်သင့်ပါတယ်။

တိုင်ပင်ပါ
ကိုယ်နဲ့မထင်မှတ်ပဲနဲ့ စားမိလိုက်တာမျိုးမျိုး ဘယ်လိုမှငြင်းဆန်လို့မရတော့လို့ စားလိုက်ရတယ်ဆိုရင် ဆရာဝန်တွေနဲ့ချက်ချင်းပြသင့်ပါတယ်။ ဓာတ်မတည့်တာလေးပဲဖြစ်တယ်ဆိုပြီးမပေါ့ဆသင့်ပါဘူး။ ဓာတ်မတည့်ရာကနေ သွေးသားပြောင်းလဲမှုတွေဖြစ်နိုင်ပြီး ရောဂါတစ်ခုလိုခံစားသွားနိုင်ရပါတယ်နော် ။

Kelly -Akhayar Lifestyle

Photo Credit - Pinterest